Um Reglu
Viðskiptahugbúnaður Reglu er skýjalausn, aðgengileg á netinu hvar og hvenær sem er.
Þróunarstefna Reglu hefur frá upphafi byggst á að sjálfvirknivæða vinnu við bókhald fyrirtækja, leitast við að minnka pappírsvinnuna og gera reksturinn betri og réttari. Regla hefur einnig verið í fararbroddi hvað varðar rafræn samskipti. Regla er íslenskur hugbúnaður, þróaður fyrir íslenskar aðstæður. Notendahópur Reglu hefur stækkað jafnt og þétt, um 2.000 fyrirtæki af öllum stærðum og gerðum, úr flestum geirum atvinnulífsins nýta sér Reglu og hugbúnaðurinn tekst nú á við sífellt stærri fyrirtæki með flókinn rekstur.
Þjónustustefna Reglu hefur alltaf verið einföld, við gerum það sem við mögulega getum til að aðstoða okkar viðskiptavini, við bjóðum upp á frí námskeið og leiðbeinum í gegnum síma eða tölvupóst.
Lausnir Reglu
Fyrir utan Fjárhagskerfi, Sölu- og birgðakerfi og Launakerfi sem eru hefðbundnar einingar í viðskiptahugbúnaði hefur Regla einnig þróað Innkaupa- og pantanakerfi, Verkbókhald, Áskriftarkerfi, Afgreiðslukerfi, Eldhúskerfi veitingastaða og tengingar við vefverslanir. Öll kerfin tala saman og færslur uppfærast í rauntíma.
Skrifstofan í símann er stefnan þetta árið og þegar hefur nokkrum snjallforritum verið hleypt af stokkunum.
