Senda rafrænan reikning
Það að senda rafræna reikninga og önnur rafræn viðskiptaskjöl hefur í för með sér margvíslega kosti:
- Aukin sjálfvirkni
- Vinnu- og tímasparnaður
- Sparar kostnað
- Rekjanleiki og aukin yfirsýn
- Reikningarnir eru greiddir á réttum tíma
- Fljótlegt, einfalt og þægilegt
Aukin sjálfvirkni
Stafræn þróun leiðir til aukinnar sjálfvirkni, að senda rafræna reikninga er auðvelt skref í átt að stafrænum rekstri og mikilvægur liður í því að sjálfvirknivæða bókhaldið.
Sjálfvirkni ber með sér marga kosti þar sem í nútímasamfélagi er tími af skornum skammti. Mikill sparnaður veitist þegar tíminn er nýttur betur þegar kemur að bókhaldi. Með því að taka upp rafrænar sendingar á reikningum og öðrum viðskiptaskjölum hefur starfsfólkið meiri tíma í að sinna mikilvægari verkum.
Vinnu- og tímasparnaðurinn verður enn meiri þegar fyrirtæki byrjar einnig að taka á móti rafrænum reikningum, þá fara reikningarnir beint inn í þitt bókhaldskerfi og handavinnan minnkar og mistökum fækkar.
Sparar kostnað
"Time is money" eins og Benjamin Franklin sagði og því erum við hjá Unimaze svo sannarlega sammála. Lausnir Unimaze munu spara þínu starfsfólki dýrmætan tíma með aukinni sjálfvirknivæðingu. Þar að auki er það að senda rafræna reikninga margfalt ódýrari en að senda reikninga á pappír. Allur efniskostnaður er sparaður og rafrænar sendingar hafa í för með sér gríðarlegan sparnað á sendingarkostnaði.
Rekjanleiki og aukin yfirsýn
Með því að senda rafræna reikninga getur þú séð nákvæmlega hvenær reikningurinn var sendur, hvenær hann barst til móttakanda og hvenær móttakandi náði í reikninginn. Ef reikningnum er hafnað sést það samstundis svo hægt sé að bregðast fljótt og örugglega við.
Með lausn Unimaze getur þú séð alla þá reikninga sem þitt fyrirtæki hefur sent og flokkað eftir t.d. viðskiptamönnum eða dagssetningu. Einnig er hægt að sjá alla samskiptasögu við ákveðna viðskiptamenn og gera athugasemdir við reikninga, allt á sama staðnum.
Skilvirkari greiðslur
Að fá reikninga greidda á réttum tíma skiptir öll fyrirtæki máli, með því að senda rafrænan reikning sem fer beint í bókhaldskerfi móttakanda margfaldast líkurnar á því að fá reikninginn greiddan á tilsettum tíma. Engar tafir vegna sendinga eða vegna seinagangs hjá móttakanda, sjálfvirkt bókhald er skilvirkt bókhald.
Fljótlegt, einfalt og þægilegt.
Hvort sem þitt fyrirtæki sendir rafræna reikninga gegnum bókhaldskerfið ykkar eða beint í gegnum notendaviðmót Unimaze þá gengur ferlið hnökralaust fyrir sig, þú fyllir inn upplýsingarnar og ýtir á takka, svo einfalt er það.
Hver getur móttekið rafræna reikninga?
Ef þú ert í vafa um hvort fyrirtæki sem þú ert í viðskiptum við geti móttekið rafræna reikninga, getur þú flett kennitölu þeirra upp á Peppol með e-business tools.
