Um Rue de Net
Rue de Net er hugbúnaðarhús í upplýsingatækni sem aðstoðar fyrirtæki og stofnanir við val og innleiðingu á viðskipta- og verslunarlausnum. Rue de Net sérhæfir sig í viðskipta- og verslunarlausnum Microsoft Dynamics 365 Business Central og LS Central ásamt sínum eigin sérkerfum. Mikil áhersla er lögð á persónulega þjónustu og að sérfræðingar fylgi málum frá upphafi til enda, frá sölu til afhendingar vöru, lausnar og þjónustu.
Rue de Net er í framvarðarsveit þeirra þjónustuaðila sem nýta sér nýjar aðferðir í þjónustu, bæði hvað varðar tæknilega útfærslu og innleiðingu lausna. Það er framtíðarsýn Rue de Net að með enn betri nýtingu á tæknilegum lausnum mun þjónustan verða auðveldari, persónulegri og aðgengilegri fyrir viðskiptavini. Þróuð hafa verið mörg sérkerfi sem hjálpa viðskiptavinum að nýta viðskiptakerfið sitt enn betur og ná meiri árangri. Af sérkerfum Rue de Net má nefna Bankakerfi, Samþykktakerfi, Rafræna reikninga, Viðskiptavinavef og mörg fleiri.
Rue de Net og skeytamiðlun Unimaze
Hagkvæm og skilvirk viðskipti snúast um hraða og sjálfvirkni. Þar með kemur aukin krafa um rafræn viðskipti. Með Rafrænum reikningum frá Rue de Net og tengingu við Unimaze næst yfirsýn á sendingu og móttöku rafrænna reikninga og pantana. Rafrænir reikningar frá Rue de Net í nútímalegri uppsetningu Business Central viðskiptakerfisins getur stórlækkað kostnað við reikningagerð, sparað vinnu og tryggt öruggari og skjótari greiðslu reikninga eða afgreiðslu pantana. Með stafrænni slóð bæði í Business Central og í gátt Unimaze er fullkominn rekjanleiki tryggður.
